alles was mooi en
kosbaar is
sielvoedend
My lig, verlig die duister
wat my soos 'n ongenooide gas
wil versmoor
Ek kyk na binne
soek my eie skakelaar
die wêreld wil my uitdoof
verdoof, vermoor
Tog bly ek flikker
my stroombaan versterk
vele om my, ken my, sien my...
Ek verlig WEER,
Ek voel gerus, vrede
Ek leef my lig....
Vir Mia 27/07/2023
 |
afwagting en verLIGting
Jy het die kollig verruil
vir hoendevleis oomblikke
diep, donker, privaat
Jy hou jou asem op
sing elke noot in jou kop
voel elke teug van asem,
spanning, ontspanning
JY leef vir ander
Jy LEEF vir ander
Jy leef vir ANDER
Slegs met eiewaarde
kom onverdiende uitdeel
van liefde
jy ken sagmoedigheid - STERK
daarom mag jy agter die skerms skuil
vervuld, geliefd, privaat
maar nooit alleen
(vir Jak)
Moed hou
My hand styf om my familie
Mag nie wankel nie
Mos deel van my bestaan
My hart styf om my familie
Maak alles reg
Moeilik is nie 'n opsie nie
My alles styf vas in My Vader se genade
L Steenkamp 14 Mei 2023
Ek sluit
die hoofstuk af
Op ‘n
klimaks –
Ek het
vervulling gevind
Êrens
verlang ek na eenvoud en sagmoedige versorging
Vir my kind,
man en honnekinners
Ons is
almal wiser, gryser
Het
afgeklim uit die gejaag
Bid eerder
vir ‘n empatieke gemeenskap
Eet
stadiger, leef in die oomblik
Sê MEER ons
is lief vir mekaar
Sien die
mooi in alles
So wag ek
dan maar vir my nuwe
Sagter,
stadiger hoofstuk
Bly
standvadstig
L Steenkamp
28 April 2023
Elke drupel
beplan deur die Opper hand
Spoel.
Sleur, Strome
Watter een
nodig jy vandag?
Dou
druppels? Appelkoos reën of
‘n
Vrystaatse donderstorm
Vandag is
ek tevrede met
Kaapse
motreën
Sag en
deurdrenk
Soos God se
genade
L Steenkamp
29 April 2023
19 Julie 2020
Jy het gekom sonder dat ons werklik besef
Ons lewens omgekantel, onderstebo en deurmekaar
Ons vryheid is is ingeperk, dit verstaan ons...
maar waar is ons lewens, ons brood en botter, ons sorgelose dae?
Weggeruk is mens, dier familie en plesier
Ons land bloei, ons mense verslae en kinders honger
Wanneer hou dit op, ons is moeg vir wegkruip
hierdie onsigbare vyand lê ons samelewing bloot
niemand kan meer wegkruip van ongelykheid, armoede en lee hande nie
Ons enigste behoud:
fokus op die NOU, begin van VOOR
Dalk was dit nodig vir die onsigbare vyand om ons weer te laat sien....
